ಜಿಲ್ಲಾ ಸಹಕಾರ ಯೂನಿಯನ್ ಚುನಾವಣೆಯಲ್ಲಿ ಮತ್ತೆ ಬಿಜೆಪಿ ಬೆಂಬಲಿತರಿಗೆ ಗೆಲುವು

ಚಿಕ್ಕಮಗಳೂರು: ಜಿಲ್ಲಾ ಸಹಕಾರ ಕೂಟ(ಯೂನಿಯನ್)ದ ನಿರ್ದೇಶಕರ ೧೩ ಸ್ಥಾನಗಳಿಗೆ ನಡೆದ ಭಾನುವಾರ ನಡೆದ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲಿತರು ೧೨ ಸ್ಥಾನಗಳಲ್ಲಿ ಭರ್ಜರಿ ಗೆಲುವು ಸಾಧಿಸಿದ್ದು, ಮತ್ತೆ ಅಧಿಕಾರದ ಚುಕ್ಕಾಣಿ ಹಿಡಿಯಲಿದ್ದಾರೆ. ಕಳೆದ ಎರಡು ಅವಧಿಯಲ್ಲೂ ಬಿಜೆಪಿ ಅಧಿಕಾರದಲ್ಲಿತ್ತು.

ಗೆದ್ದವರಿವರು: ಎ.ಕೆ. ಭಾರತಿ (ಜಿಲ್ಲೆಯ ಎಲ್ಲಾ ವಿವಿಧ ವ್ಯಾಪ್ತಿಯ ಮಹಿಳಾ ಸಹಕಾರ ಕ್ಷೇತ್ರ ಸಂಘ ಹಾಗೂ ಬ್ಯಾಂಕುಗಳ ಕ್ಷೇತ್ರ), ಸಿ.ಎಸ್.ರಂಗನಾಥ್ (ಪ್ರಾಥಮಿಕ ಕೃಷಿ ಪತ್ತಿನ ಬ್ಯಾಂಕುಗಳು, ಪಿಕಾರ್ಡ್ ಬ್ಯಾಂಕುಗಳು ಹಾಗೂ ಟಿಎಪಿಸಿಎಂಸ್ ಕ್ಷೇತ್ರ), ಪಿ.ಶಶಿಕುಮಾರ್ (ಪಿಸಿಎಆರ್‌ಡಿ ಬ್ಯಾಂಕುಗಳು, ಪಿಕಾರ್ಡ್ ಬ್ಯಾಂಕುಗಳು ಹಾಗೂ ಟಿಎಪಿಸಿಎಂಎಸ್ ಕ್ಷೇತ್ರ). ಸಿ.ಹೆಚ್.ಕುಶಕುಮಾರ್ (ಹಾಲು ಉತ್ಪಾಧಕರ ಸಹಕಾರ ಸಂಘಗಳ ಕ್ಷೇತ್ರ), ಡಾ. ಜಿ.ಎಸ್.ಮಹಾಬಲ (ಸೌಹಾದ ಸಹಕಾರಿಗಳ ಕ್ಷೇತ್ರ), ಕೆ.ಬಿ.ಸೋಮೇಶ್ (ಇತರ ಸಹಕಾರ ಸಂಘಗಳ ಕ್ಷೇತ್ರ) ಹಾಗೂ ಟಿ.ಧನಪಾಲ್ (ಇತರ ಸಹಕಾರ ಸಂಘಗಳ ಕ್ಷೇತ್ರ) ಚುನಾಯಿತರಾಗಿದ್ದಾರೆ.

ಅವಿರೋಧ ಆಯ್ಕೆಯಾದವರಿವರು: ಬಿ.ಸಿ.ಲೋಕಪ್ಪಗೌಡ (ಜಿಲ್ಲಾ ಮಟ್ಟದ ಕಾರ್ಯವ್ಯಾಪ್ತಿಯನ್ನು ಹೊಂದಿದ ಸಹಕಾರ ಸಂಘ ಹಾಗೂ ಬ್ಯಾಂಕುಗಳ ಕ್ಷೇತ್ರ). ಬಿ.ಕೆ.ದಿವಾಕರ (ಪಿಸಿಎಆರ್‌ಡಿ ಸಂಘಗಳು, ಪಿಕಾರ್ಡ್ ಹಾಗೂ ಟಿಎಪಿಸಿಎಂಎಸ್ ಕ್ಷೇತ್ರ ಮೂಡಿಗೆರೆ), ಎಚ್.ಕೆ.ಪ್ರಶಾಂತ (ಪಿಸಿಎಆರ್‌ಡಿ ಸಂಘಗಳು, ಪಿಕಾರ್ಡ್ ಹಾಗೂ ಟಿಎಪಿಸಿಎಂಎಸ್ ಕ್ಷೇತ್ರ ಕೊಪ್ಪ ತಾಲ್ಲೂಕು), ಸುಭಾಷ್ ಪಿ.(ಪಿಸಿಎಆರ್‌ಡಿ ಸಂಘಗಳು, ಪಿಕಾರ್ಡ್ ಹಾಗೂ ಟಿಎಪಿಸಿಎಂಎಸ್ ಕ್ಷೇತ್ರ ಶೃಂಗೇರಿ ತಾಲ್ಲೂಕು), ಸೀಗೆಹಡ್ಲು ಹರೀಶ್ (ಪಿಸಿಎಆರ್‌ಡಿ ಸಂಘಗಳು, ಪಿಕಾರ್ಡ್ ಹಾಗೂ ಟಿಎಪಿಸಿಎಂಎಸ್ ಕ್ಷೇತ್ರ ತರೀಕೆರೆ ತಾಲ್ಲೂಕು) ಮತ್ತು ವೆಂಕಟೇಶ್ ಕೆ.ಟಿ (ಪಿಸಿಎಆರ್‌ಡಿ ಸಂಘಗಳು, ಪಿಕಾರ್ಡ್ ಹಾಗೂ ಟಿಎಪಿಸಿಎಂಎಸ್ ಕ್ಷೇತ್ರ ನ.ರಾ.ಪುರ ತಾಲ್ಲೂಕು) ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ವಿಜಯೋತ್ಸವದ ಬಳಿಕ ಯೂನಿಯನ್‌ನ ಹಾಲಿ ಅಧ್ಯಕ್ಷ ಬಿಜೆಪಿ ಮುಖಂಡ ಡಾ.ಜಿ.ಎಸ್.ಮಹಾಬಲ ಮಾತನಾಡಿ, ಬಿಜೆಪಿ ಬೆಂಬಲಿತರ ಗೆಲುವಿಗೆ ಸಹಕರಿಸಿದ ಪಕ್ಷದ ಎಲ್ಲಾ ಮುಖಂಡರು, ಕಾರ್ಯಕರ್ತರು ಹಾಗೂ ಮತದಾರರಿಗೆ ಅಭಿನಂದನೆ ಸಲ್ಲಿಸುವುದಾಗಿ ತಿಳಿಸಿದರಲ್ಲದೆ, ಯೂನಿಯನ್‌ನ ೧ ನಿರ್ದೇಶಕ ಸ್ಥಾನವನ್ನು ಹೊರತುಪಡಿಸಿ ಉಳಿದ ೧೨ ಸ್ಥಾನಗಳಲ್ಲಿ ಬಿಜೆಪಿ ಬೆಂಬಲಿತರು ಗೆಲುವು ಸಾಧಿಸಿದ್ದಾರೆ. ಸಹಕಾರಿ ಕ್ಷೇತ್ರದಲ್ಲಿ ಬಿಜೆಪಿ ಕಾರ್ಯಕರ್ತರು ಮತ್ತು ಸಹಕಾರಿಗಳು ಹೆಚ್ಚು ಆಸಕ್ತಿಯಿಂದ ಪಾಲ್ಗೊಂಡು ಸಹಕಾರ ಕ್ಷೇತ್ರವನ್ನು ಬಲಪಡಿಸಲು ಕೈಜೋಡಿಸಿದ್ದಾರೆ. ಹಿಂದೆ ಯೂನಿಯನ್‌ನಲ್ಲಿ ಉತ್ತಮ ಆಡಳಿತ ನೀಡಿರುವುದು ಈ ಆಯ್ಕೆಗೆ ಕಾರಣ ಎಂದರು.

ಹಿರಿಯ ನಿರ್ದೇಶಕ ಸಿ.ಎಸ್.ರಂಗನಾಥ್ ಮಾತನಾಡಿ, ಪಕ್ಷದ ಹಿರಿಯ ಮುಖಂಡರು, ಕಾರ್ಯಕರ್ತರು ಹಾಗೂ ಸಹಕಾರಿಗಳ ಬೆಂಬಲದಿಂದಾಗಿ ಬಿಜೆಪಿ ಬೆಂಬಲಿತ ನಿರ್ದೇಶಕರು ಅತೀ ಹೆಚ್ಚು ಸ್ಥಾನಗಳಲ್ಲಿ ಗೆಲ್ಲಲು ಸಾಧ್ಯವಾಗಿದೆ ಎಂದು ತಿಳಿಸಿದರು.

BJP supporters win again in District Cooperative Union elections