ಕಡೂರು: ಕೈಕುಸ್ತಿ(ಪಂಝಾ)ಆಡುತ್ತಿದ್ದ ಸ್ನೇಹಿತರುಗಳ ನಡುವೆ ನಡೆದ ಮಾತಿನಚಕಮಕಿಯಿಂದ ಮಾರಣಾಂತಿಕ ಹಲ್ಲೆಗೆ ತಿರುಗಿ ಯುವಕನೊಬ್ಬನು ಮೃತಪಟ್ಟಿದ್ದು, ಕೊಲೆ ಮಾಡಿದ ಇಬ್ಬರು ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಸೋಮವಾರ ಒಳಪಡಿಸಲಾಯಿತು.
ಉತ್ತರ ಪ್ರದೇಶದ ಗೊರಕ್ ಪುರ್ ಜಿಲ್ಲೆಯ ಚೈತ್ರ ಗ್ರಾಮದ ಕಿಶನ್(20)ಮೃತಪಟ್ಟ ದುರ್ದೈವಿಯಾಗಿದ್ದು. ಬಸವರಾಜ್, ಶೇಕ್ ಮೊಫಿಜಲ್ ಇಬ್ಬರು ಬಂಧಿತ ಆರೋಪಿಗಳಾಗಿದ್ದು. ಕೂಲಿ ಕೆಲಸಕ್ಕೆಂದು ನಗದಿಯಾತ್ ಕಾವಲ್ ಬಳಿ ಕಂಪನಿಯೊಂದರ ಕೆಲಸಕ್ಕೆಂದು ಬಂದಿದ್ದ ಯುವಕರು ಅಲ್ಲಿನ ಕ್ವಾಟ್ರಸ್ ನಲ್ಲಿ ಉಳಿದುಕೊಂಡಿದ್ದರು.
ಭಾನುವಾರ ರಾತ್ರಿ ಪಾರ್ಟಿ ಮಾಡುವ ಉದ್ದೇಶದಿಂದ ಸೇರಿಕೊಂಡಿದ್ದ ಯುವಕರು ಬಳಿಕ ಕೈ ಕುಸ್ತಿ ಆಟಕ್ಕೆ ಮುಂದಾಗಿದ್ದರು. ಆಟದಲ್ಲಿ ಕಿಶನ್ ಮೋಸದಾಟಕ್ಕೆ ಮುಂದಾಗಿದ್ದರ ಬಗ್ಗೆ ಕುಪಿತಗೊಂಡ ಸ್ನೇಹಿತರು ಮಾತಿನ ಚಕಮಕಿಯಿಂದ ವಾಗ್ವಾದಕ್ಕೆ ತಿರುಗಿ ಹಲ್ಲೆ ನಡೆಸಿದ್ದು, ಹಲ್ಲೆಗೊಳಗಾದ ಕಿಶನ್ ಗೆ ಎದೆ ಹಾಗೂ ಹೊಟ್ಟೆ ಭಾಗಕ್ಕೆ ಬಲವಾದ ಪೆಟ್ಟುಬಿದ್ದ ಹಿನ್ನೆಲೆಯಲ್ಲಿ ಅಸ್ವಸ್ಥಗೊಂಡಿದ್ದನು.
ಕೂಡಲೇ ಸಾರ್ವಜನಿಕ ಆಸ್ಪತ್ರೆಗೆ ಕರೆತಂದು ಚಿಕಿತ್ಸೆ ಕೊಡಿಸುವಲ್ಲಿ ಅಸುನೀಗಿರುವುದಾಗಿ ವೈದ್ಯರು ಖಚಿತಪಡಿಸಿದ್ದಾರೆ. ಈ ಕುರಿತು ಕಡೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Youth dies while playing hand wrestling (Panja)
Leave a comment