ಟ್ರೇಡಿಂಗ್ ನೆಪದಲ್ಲಿ ವೈದ್ಯರಿಗೆ ಲಕ್ಷಾಂತರ ವಂಚನೆ

ಚಿಕ್ಕಮಗಳೂರು: ಆಸ್ಟೈನ್ ಟ್ರೇಡಿಂಗ್ ನೆಪದಲ್ಲಿ ವೈದ್ಯರೊಬ್ಬರಿಗೆ ಲಕ್ಷಾಂತರ ರೂಪಾಯಿ ವಂಚಿಸಿರುವ ಪ್ರಕರಣ ಕಾಫಿನಾಡಿನಲ್ಲಿ ಬೆಳಕಿಗೆ ಬಂದಿದೆ.

ನಗರದ ನಿವಾಸಿಯಾದ ವೈದ್ಯರೊಬ್ಬರು ವಂಚನೆಗೆ ಒಳಗಾದವರು. ಇವರು ಜನಪ್ರಿಯ ಕ್ರಿಸ್ಟೋಕರೆನ್ಸಿ ಟ್ರೇಡಿಂಗ್ ಆಪ್ ಆದ ‘ಬೈನಾನ್ಸ್’ ಮೂಲಕ ಕಳೆದ ಮೂರು ವರ್ಷಗಳಿಂದ ಟ್ರೇಡಿಂಗ್ ಮಾಡುತ್ತಿದ್ದರು. ಈ ವೇಳೆ, USಆಖಿ ಖರೀದಿಸಲು P೨P ಮಾಧ್ಯಮದ ಮೂಲಕ ಅಶೋಕ ಮೀನಾ ಎಂಬ ವ್ಯಕ್ತಿಯನ್ನು ಸಂಪರ್ಕಿಸಿದ್ದಾರೆ.

ದೂರಿನ ವಿವರದಂತೆ, ಆರೋಪಿ ಅಶೋಕ ಮೀನಾ ಎಂಬಾತನ UPI ಐಡಿ ಹಾಗೂ ಬ್ಯಾಂಕ್ ಖಾತೆಗೆ ವೈದರು ಎರಡು ಕಂತುಗಳಲ್ಲಿ (೫೦,೦೦೦ ರೂ. ಮತ್ತು ೫೧,೦೦೦ ರೂ.) ಒಟ್ಟು ೧,೦೧,೦೦೦ ರೂಪಾಯಿಗಳನ್ನು ವರ್ಗಾವಣೆ ಮಾಡಿದ್ದಾರೆ. ಆದರೆ, ಹಣ ಪಡೆದ ನಂತರ ಆರೋಪಿಯು ಯನ್ನು ನೀಡದೆ ವಂಚಿಸಿದ್ದಾನೆ. ಅಲ್ಲದೆ, ವಾಟ್ಸಾಪ್ ನಲ್ಲಿ ಡಾಕ್ಟರ್ ಅವರನ್ನು ಬ್ಲಾಕ್ ಮಾಡಿ ಸಂಪರ್ಕಕ್ಕೆ ಸಿಗದಂತೆ ಕಣ್ಮರೆಯಾಗಿದ್ದಾನೆ.

ತನ್ನ ಹಣವನ್ನು ಪಡೆದು ಮೋಸ ಮಾಡಿರುವ ವ್ಯಕ್ತಿಯ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ ಕೋರಿ ವೈದ್ಯರು ಚಿಕ್ಕಮಗಳೂರು ನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ. ಆನ್ ಲೈನ್ ಟ್ರೇಡಿಂಗ್ ಮಾಡುವಾಗ ಸಾರ್ವಜನಿಕರು ಎಚ್ಚರಿಕೆಯಿಂದ ಇರಬೇಕು ಎಂದು ಪೊಲೀಸರು ಮನವಿ ಮಾಡಿದ್ದಾರೆ.

Doctors cheated of lakhs under the pretext of trading