ಮೂಡಿಗೆರೆಯಲ್ಲಿ ಮದುವೆಗೆ ಹೋಗಿದ್ದ ತಾಯಿ ಮಗ ನಾಪತ್ತೆ

ಮೂಡಿಗೆರೆ: ರೈತ ಭವನಕ್ಕೆ ಮದುವೆ ಸಮಾರಂಭಕ್ಕೆ ಬಂದಿದ್ದ ಸುಚಿತ್ರ (26) ಎಂಬ ಮಹಿಳೆ ತನ್ನ 4 ವರ್ಷದ ಮಗ ಧೃವಂ ಜೊತೆ ನಿಗೂಢವಾಗಿ ನಾಪತ್ತೆಯಾಗಿದ್ದಾರೆ.

ಕಡೇಮಡ್ಕಲ್ ಗ್ರಾಮದ ಸಂತೋಷ್ ಎಂಬುವವರು ಕಳೆದ ಆರು ವರ್ಷಗಳ ಹಿಂದೆ ಸುಚಿತ್ರ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು.

ಮೇ 28 ರಂದು ಮೂಡಿಗೆರೆ ರೈತ ಭವನದಲ್ಲಿ ಮದುವೆ ಊಟ ಮುಗಿಸಿ, ಮಧ್ಯಾಹ್ನ 3 ಗಂಟೆಗೆ ಮುಯ್ಯ ನೀಡಲು ಹೋದ ಸುಚಿತ್ರ ವಾಪಸ್ ಬಂದಿಲ್ಲ. ಪತಿ ಸಂತೋಷ್ ಮದುವೆ ಹಾಲ್, ಮೂಡಿಗೆರೆ ಬಸ್ ನಿಲ್ದಾಣ ಹಾಗೂ ಸಂಬಂಧಿಕರ ಮನೆಗಳಲ್ಲಿ ಹುಡುಕಾಡಿದರೂ ಯಾವುದೇ ಸುಳಿವು ಸಿಕ್ಕಿಲ್ಲ.

ಸುಚಿತ್ರ ಅವರ ಮೊಬೈಲ್ ಫೋನ್ ಕೂಡ ಸ್ವಿಚ್ ಆಫ್ ಆಗಿದೆ. ಈ ಕುರಿತು ಪತಿ ಸಂತೋಷ್ ನೀಡಿದ ದೂರಿನನ್ವಯ ಮೂಡಿಗೆರೆ ಪೊಲೀಸ್ ಠಾಣೆಯಲ್ಲಿ ಮಹಿಳೆ ಕಾಣೆ ಪ್ರಕರಣ ದಾಖಲಾಗಿದೆ.

Mother and son missing after attending wedding