ಪ್ರಧಾನ ಮಂತ್ರಿಗೆ ಏಕೆ ಗೋಮಾಂಸದ ಬಿರಿಯಾನಿ ಕಳಿಸಿಕೊಡಲಿಲ್ಲ

ಚಿಕ್ಕಮಗಳೂರು: ಜಿಲ್ಲಾ ಪೊಲೀಸ್‌ ಅಧಿಕಾರಿಗೆ ನೀಡಿದ ಗೋಮಾಂಸದ ಬಿರಿಯಾನಿಯನ್ನು ಯಾರು ತಯಾರು ಮಾಡಿದ್ದು, ಯಾರು ತಂದುಕೊಟ್ಟರು ಎಂಬು ದರ ಬಗ್ಗೆ ಸಮಗ್ರ ತನಿಖೆಯಾಗಬೇಕು ಎಂದು ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಎಚ್‌.ಪಿ.ಮಂಜೇಗೌಡ ಆಗ್ರಹಿಸಿದರು.

ಗುರುವಾರ ನಗರದಲ್ಲಿ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿ, ಹಿಂದೂ ಹಿತರಕ್ಷಣ ವೇದಿಕೆ, ಹಿಂದೂಪರ ಸಂಘಟನೆಗಳ ನೇತೃತ್ವದಲ್ಲಿ ಬುಧವಾರ ನಗರದಲ್ಲಿ ನಡೆದ ಪ್ರತಿಭಟನೆ ಬಳಿಕ ಗೋಮಾಂಸದ ಬಿರಿಯಾನಿ ಮತ್ತು ಕಬಾಬು ಪೊಲೀಸ್‌ ಅಧಿಕಾರಿಗೆ ವಿಧಾನ ಪರಿಷತ್‌ ಸದಸ್ಯ ಸಿ.ಟಿ.ರವಿ ನೀಡಿದ್ದು, ಮುಂದಿನ ದಿನಗಳ ಲ್ಲಿ ಅಧಿಕಾರಿಗಳ ಮನೆಗಳಿಗೆ ಮತ್ತು ಮುಖ್ಯಮಂತ್ರಿಗಳಿಗೆ ಕಳಿಸುವುದಾಗಿ ಎಚ್ಚರಿಕೆ ನೀಡಿದ್ದು, ಗೋಮಾಂಸದ ಬಿರಿಯಾನಿ, ಕಬಾಬ್‌ ಯಾರು ತಯಾರಿಸಿದರು. ಎಲ್ಲಿಂದ ತರಲಾಯಿತು ಹಾಗೂ ಬಿರಿಯಾನಿ ನೀಡಿದವರು ಮತ್ತು ಪಡೆದು ಕೊಂಡವರ ಮೇಲೆ ಸೂಕ್ತ ತನಿಖೆಯಾಗಬೇಕು. ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದರು.

ಬಿ.ಎಸ್‌.ಯಡಿಯೂರಪ್ಪ, ಬಸವರಾಜ್‌ ಬೊಮ್ಮಾಯಿ, ಸದಾನಂದ ಗೌಡ ಅವರು ಮುಖ್ಯಮಂತ್ರಿಯಾಗಿದ್ದ ಅವಧಿಯಲ್ಲಿ ಏಕೆ ಗೋಹತ್ಯೆ ತಡೆಗೆ ಕ್ರಮ ಕೈಗೊಳ್ಳ ಲಿಲ್ಲ ಹಾಗೂ ಗೋಮಾಂಸದ ಬಿರಿಯಾನಿ, ಕಬಾಬ್‌ ನೀಡಲು ಸಿ.ಟಿ.ರವಿಯವರು ನೀಡಲು ಮುಂದಾಗಲಿಲ್ಲ ಎಂದು ಪ್ರಶ್ನಿಸಿದರು.

ವಿದೇಶಕ್ಕೆ ಗೋಮಾಂಸ ರಫ್ತಿಯಲ್ಲಿ ಭಾರತ ಎರಡನೇ ಸ್ಥಾನದಲ್ಲಿದೆ. ಪ್ರಧಾನ ಮಂತ್ರಿ, ಗೃಹಮಂತ್ರಿ, ರಕ್ಷಣಾ ಸಚಿವರಿಗೆ ಏಕೆ ಗೋಮಾಂಸದ ಬಿರಿಯಾನಿ, ಕಬಾಬ್‌ ಕಳಿಸಿಕೊಡಲಿಲ್ಲ ಎಂದ ಅವರು, ರಾಜಕೀಯವಾಗಿ ಕಳೆದು ಹೋಗುತ್ತಿದ್ದೇನೆಂದು ಭಾವಿಸಿ ಇಂತಹ ಕ್ಷುಲಕ ಕಾರಣಗಳನ್ನು ಮುಂದಿಟ್ಟು ಕೊಂಡು ರಾಜಕೀಯ ಮಾಡಲಾಗುತ್ತಿದೆ ಎಂದು ದೂರಿದರು.

ರಾಜ್ಯದಲ್ಲಿ ಸುಭದ್ರ ಸರ್ಕಾರವಿದೆ. ವಿರೋಧಿಸಲು ಸಕಾರಣವಿಲ್ಲದೆ ಗೋಮಾಂಸ ಬಿರಿಯಾನಿ ಪ್ರದರ್ಶಿಸಿ ಕೀಳು ಮಟ್ಟಕ್ಕೆ ಇಳಿದಿದ್ದಾರೆ ಎಂದ ಅವರು, 19 ವರ್ಷಗಳಿಂದ ಶಾಸಕರಾಗಿದ್ದ ಸಿ.ಟಿ.ರವಿಯವರು ಎಷ್ಟು ಗೋಮಾಂಸದ ಅಂಗಡಿಗಳ ವಿರುದ್ಧ ಕ್ರಮ ಕೈಗೊಂಡಿದ್ದಾರೆ. ಎಷ್ಟು ಹೋರಾಟ ಮಾಡಿದ್ದಾರೆ ಎಂದು ಪ್ರಶ್ನಿಸಿ ಗೋಮಾಂಸದ ಬಿರಿಯಾನಿ ಪ್ರದರ್ಶಿಸಿದವರ ವಿರುದ್ಧ ಪ್ರಕರಣ ದಾಖಲಿಸಿ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದರು.

ಜಿಲ್ಲೆ ಶಾಂತಿಯಿಂದ ಇದ್ದು, ಶಾಂತಿಯನ್ನು ಕದಡುವ ಕೆಲಸ ಬಿಜೆಪಿ, ವಿಶ್ವ ಹಿಂದೂ ಪರಿಷತ್‌, ಭಜರಂಗದಳ ಮಾಡಬಾರದು ಎಂದು ಹೇಳಿದರು. ಹಿರೇಗೌಜ ಶಿವಕುಮಾರ್ ಮಾತನಾಡಿ, ವಿದೇಶಕ್ಕೆ ಗೋಮಾಂಸ ರಫ್ತು ಮಾಡುವಲ್ಲಿ ದೇಶ ಎರಡನೇ ಸ್ಥಾನದಲ್ಲಿದೆ ಹಾಗಿದ್ದರೇ ಸಂಸದರ ಮೂಲಕ ಪ್ರಧಾನ ಮಂತ್ರಿಗಳಿಗೆ ಗೋಮಾಂಸದ ಬಿರಿಯಾನಿ ಹಾಗೂ ಕಬಾಬ್‌ ಕಳಸಿಕೊಡುತ್ತಾರೆಯೇ ಎಂದು ಪ್ರಶ್ನಿಸಿದರು.

ಸುದ್ದಿಗೋಷ್ಟಿಯಲ್ಲಿ ಬಿಳಕೆರೆ ಪ್ರವೀಣ್, ಕುರುವಂಗಿ ರಾಜೇಶ್‌, ಹಿರೆಕೊಳಲೆ ಪ್ರಕಾಶ್‌ ಸೇರಿದಂತೆ ಇತರರು ಇದ್ದರು.

Why not serve beef biryani to the Prime Minister