ಕಡೂರು: ತಾಲ್ಲೂಕಿನ ಕಬ್ಬಳ್ಳಿ ಗೇಟ್ ಬಳಿ ವೇದಾವತಿ ನದಿಯ ಕಿರು ಸೇತುವೆ ಸಮೀಪ ಚಾಲಕನ ನಿಯಂತ್ರಣ ತಪ್ಪಿದ ಗೂಡ್ಸ್ ವಾಹನ ಪಲ್ಟಿಯಾಗಿ, ಮಹಿಳೆಯೊಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಮೂವರು ಗಾಯಗೊಂಡಿದ್ದಾರೆ.
ಬಿ.ಎಂ. ಕೊಪ್ಪಲಿನ ಈಶ್ವರಮ್ಮ (55) ಮೃತರು. ತಾಲ್ಲೂಕಿನ ಬಿ.ಎಂ. ಕೊಪ್ಪಲು ನಿವಾಸಿಗಳಾದ ಇವರು, ದೇವನೂರು ಸಮೀಪದ ಶಿವಪುರ ಬಳಿಯ ಸಂಬಂಧಿಕರ ಮನೆಯ ನಾಮಕರಣಕ್ಕೆಂದು ತೆರಳಿದ್ದರು.
ವಾಪಸಾಗುವ ವೇಳೆ ದುರಂತ ಸಂಭವಿಸಿದೆ. ಗಂಭೀರವಾಗಿ ಗಾಯಗೊಂಡ ನಾಗಮ್ಮ, ಸುಧಾ ಮತ್ತು ಕಲ್ಲೇಶ್ ಎಂಬುವರಿಗೆ ಕಡೂರು ಸಾರ್ವಜನಿಕ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ನೀಡಿ, ಬಳಿಕ ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರಿಗೆ ಕಳುಹಿಸಲಾಗಿದೆ.
ಸಖರಾಯಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Goods vehicle overturns: Woman dies
Leave a comment