ಕಡೂರು ತಾಲೂಕು ಸರ್ಕಾರದ ಬರಪಟ್ಟಿಗೆ ವೈ.ಎಸ್.ವಿ. ದತ್ತಾ ಆಗ್ರಹ

ನಂತರ ವೈ ಎಸ್ ವಿ ದತ್ತಾರವರು ರೈತರನ್ನು ಉದ್ದೇಶಿಸಿ ಮಾತನಾಡಿ ತಾಲೂಕಿನಲ್ಲಿ ಮಳೆ ಇಲ್ಲದೆ ಎಲ್ಲ ರೈತರು ಸಂಕಷ್ಟದಲ್ಲಿದ್ದು ಅವರ ಧ್ವನಿಯಾಗಿ ಸರ್ಕಾರಕ್ಕೆ ಗಮನ ಸೆಳೆಯಲು ಪಾದಯಾತ್ರೆ ನಡೆಸಲಾಗಿದೆ. ತಾವೂ ಕೂಡ ಐದು ವರ್ಷ ಶಾಸಕನಾಗಿ ಹೋರಾಟ ಮಾಡಿ ಬರಪೀಡಿತ ಎಂದು ಘೋಷಣೆ ಮಾಡಿಸಿಕೊಳ್ಳಲಾಗಿತ್ತು. ತಾಲೂಕಿಗೆ ಉಸ್ತುವಾರಿ ಸಚಿವರು, ಶಾಸಕರು, ಜಿಲ್ಲಾಧಿಕಾರಿಗಳು, ಸಂಬಂಧಿಸಿದ ಎಲ್ಲ ಇಲಾಖೆ ಅಧಿಕಾರಿಗಳು ಬರಪೀಡಿತ ಗ್ರಾಮಗಳಿಗೆ ಕುದ್ದು ಬೇಟಿ ನೀಡಿ ಪರಿಶೀಲಿಸಿರುತ್ತಾರೆ. ಜಿಲ್ಲೆಯಲ್ಲಿ ಅಜ್ಜಂಪುರ, ತರೀಕೆರೆ, ಎನ್ ಆರ್ ಪುರ, ಕೊಪ್ಪ ಸೇರಿದೆ, ಕಡೂರು ತಾಲೂಕು ಸೇರದೆ ಇರಲು ಕಾರಣವೇನು, ಬರಪೀಡಿತ ಪ್ರದೇಶ ಎಂದು ಘೋಷಣೆ ಮಾಡಲು ಕಾಲುಹಿಡಿಯುವಂತಾಗಿದೆ ಎಂದರು.

ಪದೇ ಪದೇ ಬರಗಾಲಕ್ಕೆ ತುತ್ತಾಗುತ್ತಿರುವ ತಾಲೂಕಿಗೆ ಶಾಶ್ವತ ಪರಿಹಾರವೆಂದರೆ ಈ ಹಿಂದೆ ಮಂಜೂರಾಗಿ ಅಪೂರ್ಣವಾಗಿರುವ 32 ಕೆರೆಗಳಿಗೆ ನೀರು ತುಂಬಿಸುವ ತುಮಕೂರು ಶಾಖ ಕಾಲುವೆ ಯೋಜನೆಯನ್ನು ಈ ಆರ್ಥಿಕ ವರ್ಷದಲ್ಲಿ ಪೂರ್ಣಗೊಳಿಸಬೇಕು. ತಾಲೂಕಿನ ಸಾವಿರಾರು ರೈತರು ಬೆಳೆ ವಿಮೆ ಹಣ ಪಾವತಿಸಿದ್ದು ಬಿತ್ತನೆ ಕೂಡ ಆಗಿರುವುದಿಲ್ಲ, ಈ ಹಿನ್ನೆಲೆಯಲ್ಲಿ ಬಿತ್ತನೆಯಾಗದಿದ್ದರೂ ಸಹ ವಿಶೇಷ ವರ್ಗದ ಅಡಿಯಲ್ಲಿ ಎಲ್ಲಾ ರೈತರಿಗೂ ವಿಮೆ ಪರಿಹಾರ ನೀಡಬೇಕು, ತಾಲೂಕಿನ ರೈತರು ಸಹಕಾರಿ ಸಂಘಗಳಲ್ಲಿ ರಾಷ್ಟ್ರೀಕೃತ ಬ್ಯಾಂಕುಗಳಲ್ಲಿ ಸಾಲ ಪಡೆದಿದ್ದು ಕೃಷಿ ಮತ್ತು ತೋಟಗಾರಿಕಾ ಬೆಳೆಗಳು ಸಂಪೂರ್ಣವಾಗಿ ವಿಫಲವಾಗಿರುವ ಹಿನ್ನೆಲೆಯಲ್ಲಿ ರೈತರ ಸಾಲ ಮನ್ನಾ ಮಾಡಬೇಕು ಎಂದು ಆಗ್ರಹಿಸಲಾಗುವುದು. ಸೆಪ್ಟೆಂಬರ್ 15ರ ಒಳಗೆ ಬರಪಟ್ಟಿಗೆ ಸೇರ್ಪಡೆ ಆಗದಿದ್ದರೆ ತಹಶೀಲ್ದಾರ್ ಕಚೇರಿ ಮುಂದೆ ಉಪವಾಸ ಸತ್ಯಾಗ್ರಹ ಮಾಡಲಾಗುವುದು ಎಂದರು.

ಈ ಸಂದರ್ಭದಲ್ಲಿ ಜೆಡಿಎಸ್ ತಾಲೂಕ್ ಅಧ್ಯಕ್ಷ ಕೆ ಮಹೇಶ್ವರಪ್ಪ, ಪ್ರೇಮ್ ಕುಮಾರ್, ಬಿದರೆ ಜಗದೀಶ್, ಗಂಗಾಧರ್ ನಾಯ್ಕ, ಡಿ. ಪ್ರಶಾಂತ್, ವಿರೂಪಾಕ್ಷಪ್ಪ, ಪಾಲಾಕ್ಷಪ್ಪ, ಅಶೋಕ್.  ಪ್ರಕಾಶ್. ಗುಜ್ಜೇನಳ್ಳಿ ಶಂಕ್ರಪ್ಪ, ಪಾತೇನಹಳ್ಳಿ ಚೌಡಪ್ಪ, ಬ್ಯಾಗಡೆಹಳ್ಳಿ ಕುಮಾರ್, ಮಂಜುನಾಥ್ ಅಪಾರ ಸಂಖ್ಯೆಯಲ್ಲಿ ರೈತರು, ರೈತ ಮಹಿಳೆಯರು ಭಾಗವಹಿಸಿದ್ದರು.

Y.S.V. Dutta demands for the receipt of the Kadur taluk government