ಆರೋಗ್ಯ ಸದೃಡಗೊಳಿಸಲು ದೇಹದಂಡನೆ ಅವಶ್ಯಕ

ಚಿಕ್ಕಮಗಳೂರು: – ಆರೋಗ್ಯವನ್ನು ಸದೃಢವಾಗಿ ಕಾಪಾಡಿಕೊಳ್ಳಲು ದೇಹದಂಡನೆ ಮ ನುಷ್ಯನಿಗೆ ಅವಶ್ಯಕ. ಕಠಿಣ ಪರಿಶ್ರಮ, ಶಿಸ್ತಿನ ಜೀವನ ನಡೆಸಿದರೆ ದೇಹದಾರ್ಢ್ಯ ಸ್ಪರ್ಧೆಯಲ್ಲೂ ಸಾಧನೆ ಮಾ ಡಲು ಸಾಧ್ಯ ಎಂದು ಶಾಸಕ ಹೆಚ್.ಡಿ.ತಮ್ಮಯ್ಯ ಹೇಳಿದರು.

ನಗರದ ಕುವೆಂಪು ಕಲಾಮಂದಿರದಲ್ಲಿ ಭಾನುವಾರ ಮಾರುತಿ ಮಲ್ಟಿ ಜಿಮ್‌ನ ೨೫ನೇ ವರ್ಷದ ಬೆಳ್ಳಿ ಹಬ್ಬದ ವಾರ್ಷಿಕೋತ್ಸವ ಪ್ರಯುಕ್ತ ಏರ್ಪಡಿಸಿದ್ಧ ರಾಜ್ಯ ಮತ್ತು ಜಿಲ್ಲಾ ಮಟ್ಟದ ದೇಹದಾರ್ಢ್ಯ ಸ್ಪರ್ಧೆ ಕಾರ್‍ಯ ಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿ ದೇಹವನ್ನು ಶಾರೀರಿಕವಾಗಿ ಗಟ್ಟಿಗೊಳಿಸಲು ದೇಹದಾರ್ಢ್ಯ ಒಂದು ಭಾಗವಾಗಿದೆ. ವ್ಯಾಯಾಮದ ಜೊತೆಗೆ ಪೌಷ್ಠಿಕ ಆಹಾರ ಸೇವನೆ ಅತ್ಯಗತ್ಯ. ಇತ್ತೀಚೆಗೆ ಮಹಿಳೆಯರು ಸೇರಿದಂತೆ ೬೦ ವರ್ಷ ಮೇಲ್ಪಟ್ಟ ಹಿರಿಯರು ಉತ್ತಮ ಆರೋಗ್ಯಕ್ಕಾಗಿ ವ್ಯಾಯಮದಲ್ಲಿ ತೊಡಗಿಕೊಂಡಿರುವುದು ಇಂದಿನ ಯುವಜನತೆಗೆ ಮಾದರಿಯಾಗಬೇಕು ಎಂದರು.

ದೇಹದಾರ್ಢ್ಯ ಸ್ಫರ್ಧೆಯಲ್ಲಿ ಭಾಗವಹಿಸುವ ಸ್ಪರ್ಧಾಳುಗಳು ಸೋಲು, ಗೆಲುವಿನ ಲೆಕ್ಕಚಾರಕ್ಕೆ ತಲೆಕೆಡಿ ಸಿಕೊಳ್ಳದೇ, ಭಾಗವಹಿಸಿದ ಕ್ಷಣಗಳನ್ನು ನೆನಪು ಮಾಡಿಕೊಳ್ಳಬೇಕು. ಗೆದ್ದವರು ಬೀಗದೇ, ಸೋತವರು ಕುಗ್ಗದೇ ಕ್ರೀಡಾಸ್ಪೂರ್ತಿಯಿಂದ ಇರಬೇಕು. ತೀರ್ಪುಗಾರರು ಸಹ ಸ್ಪರ್ಧಿಗಳಿಗೆ ಪಾರದರ್ಶಕ ತೀರ್ಪು ಸೂ ಚಿಸಬೇಕು ಎಂದು ತಿಳಿಸಿದರು.

ಚಿತ್ರ ನಟ ಧರ್ಮ ಮಾತನಾಡಿ ಇಂದಿನ ಯುವಕರು ದೇಹದ ಮೈಗಟ್ಟು ಸುಂದರಗೊಳಿಸಲು ಬಹಳ ಷ್ಟು ಶ್ರಮಿಸಬೇಕು. ವಿಶೇಷವಾಗಿ ದೇಹದಾರ್ಢ್ಯದಲ್ಲಿರುವ ಯುವಕರು ಕಡಿಮೆ ವೆಚ್ಚದಲ್ಲಿ ಪೌಷ್ಠಿಕ ಆಹಾರ ಸೇವಿಸದೇ, ದುಬಾರಿಯಾದರೂ ಗುಣಮಟ್ಟದ ಪೌಷ್ಠಿಕ ಆಹಾರ ಸೇವಿಸಿದರೆ ಶರೀರವು ಆರೋಗ್ಯದಿಂದ ಕೂಡಿರಲು ಸಾಧ್ಯವಾಗಲಿದೆ ಎಂದರು.

ಕರ್ನಾಟಕ ರಕ್ಷಣಾ ವೇದಿಕೆ ಜಿಲ್ಲಾಧ್ಯಕ್ಷ ಕೆಂಪನಹಳ್ಳಿ ಅಶೋಕ್ ಮಾತನಾಡಿ ಯುವಕರು ದೇಹವನ್ನು ಸದೃಢಗೊಳಿಸಲು ಮಾತ್ರೆ, ಇಂಜೆಕ್ಷನ್‌ಗಳೆಂಬ ಅಡ್ಡದಾರಿಗಳಲ್ಲಿ ಸಾಗುವುದು ತಪ್ಪು. ಆರೋಗ್ಯ ಚೆನ್ನಾಗಿದ್ದರೆ ದೇಹದ ಮೈಗಟ್ಟು ಚೆನ್ನಾಗಿರಲಿದೆ. ಹೀಗಾಗಿ ಅವರಸಕ್ಕೆ ದೇಹಸುಂದರಗೊಳಿಸಲು ಬದಲು, ನಿಧಾನಗತಿಯ ಲ್ಲಿ ಸಾಗಬೇಕು ಎಂದು ಕಿವಿಮಾತು ಹೇಳಿದರು.

ಮಾರುತಿ ಮಲ್ಟಿ ಜಿಮ್ ಕಾರ್ಯದರ್ಶಿ ಪ್ರಸಾದ್ ಅಮೀನ್ ಮಾತನಾಡಿ ಜಿಲ್ಲೆಯಲ್ಲಿ ಜಿಮ್ ವೇಣು ಅವರ ಮಾಲೀಕತ್ವದಲ್ಲಿ ಮೊದಲು ಸ್ಥಾಪನೆಗೊಂಡಿತು. ಕಾಲಕ್ರಮೇಣ ಇಂದು ಮಾನಸ ಸಂದೀಪ್ ಮಾ ಲೀಕತ್ವದಲ್ಲಿ ಸಾಗಿ ಬೆಳ್ಳಿ ಹಬ್ಬವನ್ನು ಆಚರಿಸುತ್ತಿದ್ದು, ಈ ಜಿಮ್‌ನಲ್ಲಿ ತರಬೇತಿ ಪಡೆದುಕೊಂಡ ಅನೇಕ ಪಟು ಗಳು ಚಿತ್ರರಂಗ, ರಾಜ್ಯಮಟ್ಟದಲ್ಲಿ ದೇಹದಾರ್ಢ್ಯ ಸ್ಪರ್ಧೆಯಲ್ಲಿ ಭಾಗವಹಿಸಿ ವಿಜೇತರಾಗಿದ್ದಾರೆ ಎಂದರು.

ಕಾರ್ಯಕ್ರಮದಲ್ಲಿ ಮಾರುತಿ ಮಲ್ಟಿ ಜಿಮ್ ಅಧ್ಯಕ್ಷ ಸಂದೇಶ್, ಉಪಾಧ್ಯಕ್ಷ ಜಂಶೀದ್‌ಖಾನ್, ಕಾ ರ್ಯದರ್ಶಿ ವಿವೇಕ್, ಸದಸ್ಯ ಸಂತೋಷ್ ಹಾಗೂ ರಾಜ್ಯದ ವಿವಿಧ ಜಿಲ್ಲೆಗಳಿಂದ ದೇಹದಾಢ್ಯ ಪಟುಗಳು ಉಪಸ್ಥಿತರಿದ್ದರು.

Corporal punishment is necessary to improve health