ಅರಣ್ಯ ಇಲಾಖೆ ವತಿಯಿಂದ ಬೆಂಕಿ ನಂದಿಸುವ ಅಣುಕು ಪ್ರದರ್ಶನ

ಕೊಟ್ಟಿಗೆಹಾರ: ಸಮೀಪದ ತರುವೆ ಏಕಲವ್ಯ ವಸತಿ ಶಾಲೆಯಲ್ಲಿ ಅರಣ್ಯ ಇಲಾಖೆ ನೇತೃತ್ವದಲ್ಲಿ ಕಲಾವಿದ ರಮೇಶ್ ಬಂಗಾರ್ ತಂಡದ ವತಿಯಿಂದ ಸಂಕೇತ್ ಯುವ ಸಂಘವು ಪ್ರಾಣಿ, ಪರಿಸರ ಸಂರಕ್ಷಣೆ,ಬೆಂಕಿ ಅನಾಹುತದ ಮಾಹಿತಿ ಹಾಗೂ ಬೆಂಕಿ ನಂದಿಸುವ ಅಣುಕು ಪ್ರದರ್ಶನ ನಡೆಯಿತು.

ಉಪ ವಲಯ ಅರಣ್ಯಾಧಿಕಾರಿ ಬಸವರಾಜ್ ಮಾತನಾಡಿ’ ಬೆಂಕಿ ಮಾನವ ಜೀವಕ್ಕೆ ಅವಶ್ಯಕ.ಅಜಾಗರೂಕತೆ ಮಾಡಿದರೆ ಅಪಾಯಕಾರಿ.ಶಾಲೆಗಳಲ್ಲಿ ಬೆಂಕಿ ನಂದಿಸುವ ಸಾಧನ ಇಟ್ಟುಕೊಳ್ಳುವುದು ಉತ್ತಮ ಬೆಳವಣಿಗೆ.ಅಗ್ನಿ ಶಾಮಕ ದಳ ಹಾಗೂ ಅರಣ್ಯ ಇಲಾಖೆ 24ಗಂಟೆಯೂ ಅನಾಹುತದ ಸಮಯದಲ್ಲಿ ಸೇವೆ ನೀಡುತ್ತಾ ಬಂದಿದ್ದಾರೆ.ತುರ್ತು ಸೇವೆ,ಅಗ್ನಿ ದುರಂತ ತಡೆಯಲು ಇಲಾಖೆಯೊಂದಿಗೆ ಸಾರ್ವಜನಿಕರ ಸಹಕಾರ ಅಗತ್ಯವಾಗಿದೆ. ಸುಖಾಸುಮ್ಮನೇ ಕಾಡಿಗೆ ಬೆಂಕಿ ಕೊಟ್ಟು ವಿಕೃತಿ ಮೆರೆದು ಕಾಡು ನಾಶ ಮಾಡುವುದು ಅಪರಾಧ ಕೃತ್ಯ.ಪರಿಸರ ಉಳಿಸುವುದು ಅರಣ್ಯ ಇಲಾಖೆ ಮಾತ್ರವಲ್ಲದೇ ಪ್ರತಿಯೊಬ್ಬ ನಾಗರೀಕರ ಕರ್ತವ್ಯವಾಗಿದೆ’ಎಂದರು.

ಅಣುಕು ಪ್ರದರ್ಶನ ನೀಡುವ ತಂಡದ ಮುಖ್ಯಸ್ಥೆ ರೂಪ ಬಂಗಾರ್ ಮಾತನಾಡಿ’ ನಮ್ಮ ಕಲಾವಿದರ ತಂಡ ಪ್ರತಿ ವರ್ಷವೂ ಬೆಂಕಿ ಅನಾಹುತ ತಪ್ಪಿಸುವುದು ಹೇಗೆ ಎಂಬುದರ ಬಗ್ಗೆ ಬೀದಿ ನಾಟಕದ ಮೂಲಕ ಜನಜಾಗೃತಿ ಮೂಡಿಸುತ್ತಾ ಬಂದಿದೆ.ಪರಿಸರ ಸ್ವಚ್ಚತೆ ಜನರಲ್ಲಿ ಮೂಡಿಸಲು ನಾಟಕದ ರೂಪದಲ್ಲಿ ತಂಡದವರು ಸರಳವಾಗಿ ಕಾಡು ಪರಿಸರ ಹೇಗೆ ಉಳಿಸಬೇಕು.ಪ್ರಾಣಿ,ಪಕ್ಷಿಗಳನ್ನು ಕೊಲ್ಲದೇ ಅವುಗಳನ್ನು ಪ್ರೀತಿಸಿ ಪ್ರಾಣಿ ಪ್ರೀಯರಾಗಬೇಕು. ಪ್ರಾಣಿಗಳನ್ನು  ರಕ್ಷಿಸುವ ಬಗೆ ಹೇಗೆ ಎಂಬುದರ ಬಗ್ಗೆ ನಾಟಕ ಪ್ರದರ್ಶನ ನೀಡಿ ಉತ್ತಮ ಸಂದೇಶ ನೀಡಿ ಶಾಲಾ ಮಕ್ಕಳಲ್ಲಿ ಅರಿವು ಮೂಡಿಸಿದರು.

ಕಾರ್ಯಕ್ರಮದಲ್ಲಿ ಏಕಲವ್ಯ  ಶಾಲಾ ಪ್ರಾಂಶುಪಾಲರಾದ ಸತೀಶ್ ಜೈಸ್ವಾಲ್,ಉಪವಲಯ ಅರಣ್ಯಾಧಿಕಾರಿಗಳಾದ ಮಂಜುನಾಥ್,ನಾಗರಾಜ್,ಉಮೇಶ್,ಬೀಟ್ ಪಾರೆಸ್ಟ್ ಉಮೇಶ್, ಸುಧೀರ್,ಕಲಾವಿದರಾದ ಜಯಂತಿ ರಮೇಶ್ ಬಂಗಾರ್, ಕುಮಾರೇಷನ್, ಮಹೇಶ್,ಹನುಮಂತ್,ಅಮಿತ್ ಮತ್ತಿತರರು ಭಾಗವಹಿಸಿದ್ದರು.

Firefighting demonstration by the Forest Department