ಜಿಲ್ಲಾ ಪಂಚಾಯಿತಿ ಮೀಸಲು ಕ್ಷಣಕ್ಕೊಂದು ಬಣ್ಣ, ದಿನಕ್ಕೊಂದು ಸುದ್ದಿ !

ಚಿಕ್ಕಮಗಳೂರು:, ಚಿಕ್ಕಮಗಳೂರು ಜಿಲ್ಲಾ ಪಂಚಾಯಿತಿಗೆ ಮೀಸಲಾತಿ ನಿಗದಿ ಮಾಡಿ ಚುನಾವಣಾ ಆಯೋಗ ಆದೇಶ ಹೊರಡಿಸಿದೆ.

ಶಾಸಕರುಗಳ ಮೂಗಿನ ನೇರಕ್ಕೆ ಮೀಸಲಾತಿ ಪ್ರಕಟಿಸಿರುವುದು ಹಗಲು ಹೊತ್ತು ಎಲ್ಲರೂ ನೋಡುತ್ತಿರುವಾಗ ಕದ್ದು ಹಾಲು ಕುಡಿದಂತೆ ಎಂಬಂತಾಗಿದೆ. ಮೀಸಲಾತಿ ಬಗ್ಗೆ ಲೆಕ್ಕಾಚಾರ ನಡೆದಿರುವಾಗ ಕೆಲ ಶಾಸಕರು ಅಸಮಾಧಾನಿತರ ಕೋಪ ತಣ್ಣಗೆ ಮಾಡಲು ಬೆಂಗಳೂರಿಗೆ ಕರೆದುಕೊ‌ಂಡು ಹೋಗಿ ಗರಿ,ಗರಿ ಮಸಾಲೆ ದೋಸೆ ತಿನ್ನಿಸಿಕೊಂಡು ಬಂದಿದ್ದಾರೆ.

ಮೀಸಲಾತಿ ಮಾಡಿಸುವಾಗ ಉದ್ದೇಶ ಪೂರ್ವಕವಾಗಿ ಮಾಡಿಸಿ ಈಗ ಬದಲಾವಣೆ ಮಾಡಿಸುತ್ತೇವೆ ಎನ್ನುವುದು ಎಷ್ಟರಮಟ್ಟಿಗೆ ಸರಿ.

ಜಿಲ್ಲೆಯಲ್ಲಿ 36 ಜಿಲ್ಲಾ ಪಂಚಾಯಿತಿ ಕ್ಷೇತ್ರಗಳಿದ್ದು ಜನಸಂಖ್ಯೆ ಆಧಾರದ ಮೇಲೆ ಕ್ಷೇತ್ರ ರಚನೆಯಾಗಿವೆ.ಬಯಲು ಪ್ರದೇಶದಲ್ಲಿ 40,000 ಜನಸಂಖ್ಯೆಯಾದರೆ ಮಲೆನಾಡಿನಲ್ಲಿ20,000 ಜನಸಂಖ್ಯೆಗೆ ಮೀಸಲು ನಿಗದಿಯಾಗಿದೆ.

ಇದರಿಂದಾಗಿ ಇದುವರೆವಿಗೂ ಬಯಲು ಸೀಮೆಯ ಪ್ರತಿನಿಧಿಗಳು ಬಹುತೇಕ ಆಡಳಿತ ನಡೆಸಿದ್ದರು ಬಹುತೇಕ ಇನ್ನೂ ಮುಂದೆ ಮಲೆನಾಡಿನವರು ಜಿ,ಪಂನಲ್ಲಿ ಹಿಡಿತ ಸಾಧಿಸುವುದು ಖಚಿತ.

ಮೀಸಲಾತಿ ಬಗ್ಗೆ ಕ್ಷಣಕ್ಕೊಂದು ಬಣ್ಣ ದಿನಕ್ಕೊಂದು ಸುದ್ದಿ ಹರಿದಾಡುತ್ತಿದೆ.ಇದರ ಜೊತೆಗೆ ಚುನಾವಣೆಗಳು ನಡೆಯುವ ಸಾಧ್ಯತೆ ಇಲ್ಲ.

ಶಾಸಕರುಗಳಿಗೆ ಸ್ಥಳೀಯ ಸಂಸ್ಥೆಗಳ ಚುನಾವಣೆ ನಡೆಸಿ ಇನ್ನೊಬ್ಬನನ್ನು ತಿನ್ನಿ ಸಿಕೊಳ್ಳಲು ಕೂರುವ ಬದಲು ಸಿಕ್ಕಿದ್ದು ನಾವೇ ತಿನ್ನುವ ಎಂಬುವ ತವಕ ಇರುವುದರಿಂದ ಚುನಾವಣೆಗಳು ನಡೆಯುವುದು ಕಷ್ಟ ಎನ್ನುತ್ತಿದ್ದಾರೆ.

Zilla Panchayat Reserve is a color of the moment