ಲೈಫ್‌ ಲೈನ್ ಫೀಡ್ಸ್ ಸಂಸ್ಥೆಯ ಕಿಶೋರ್ ಕುಮಾರ್ ಹೆಗ್ಡೆ ನಿವಾಸ ಮತ್ತು ಕಛೇರಿ ಮೇಲೆ ಐ.ಟಿ ರೈಡ್ ?

ಚಿಕ್ಕಮಗಳೂರು: ಲೈಫ್‌ ಲೈನ್ ಫೀಡ್ಸ್ ಸಂಸ್ಥೆಯ ಕಿಶೋರ್ ಕುಮಾರ್ ಹೆಗ್ಡೆ ನಿವಾಸ ಮತ್ತು ಕಛೇರಿ ಹಾಗು ಫಾರಂಹೌಸ್ ಮೇಲೆ ಏಕಕಾಲದಲ್ಲಿ ಅದಾಯ ತೆರಿಗೆ ಇಲಾಖೆಯವರು ದಾಳಿ ನಡೆಸಿ ತನಿಖೆ ನಡೆಸುತ್ತಿದ್ದಾರೆ.

ಕಳೆದ ಮೂರು ದಿನಗಳಿಂದ ತೀವ್ರ ತನಿಖೆ ನಡೆಯುತ್ತಿದ್ದು ಕಿಶೋರ್ ಕುಮಾರ್ ಹೆಗ್ಡೆ ಸಮ್ಮುಖದಲ್ಲಿ ಪ್ರತಿ ಸಿಬ್ಬಂದಿಯನ್ನು ತನಿಖೆಗೆ ಒಳಪಡಿಸಿದ್ದಾರೆ ಎಂದು ತಿಳಿದು ಬಂದಿದೆ.

ಹತ್ತಕ್ಕೂ ಹೆಚ್ಚು ಇನಾವೋ ಕಾರಿನಲ್ಲಿ 40 ಕ್ಕೂ ಹೆಚ್ಚು ತೆರಿಗೆ ಅಧಿಕಾರಿಗಳು ಮತ್ತು ಸಿಬ್ಬಂದಿ ಇಂಚು, ಇಂಚು ಮಾಹಿತಿ ತೆಗೆಯುತ್ತಿದ್ದು ತೆರೆಗೆ ವಂಚನೆ ಬಗ್ಗೆ ಜಾಲಡುತ್ತಿದ್ದಾರೆ ಜೊತೆಗೆ ದೈಹಿಕ ಮತ್ತು ಮಾನಸಿಕ ಹಿಂಸೆ ನೀಡುತ್ತಿದ್ದಾರೆ ಎಂಬ ಸುದ್ದಿ ಕೂಡ ಹರಿದಾಡುತ್ತಿದೆ.

ಕಿಶೋರ್ ಕುಮಾರ್ ಹೆಗ್ಡೆ ಬೇರೆ, ಬೇರೆ ರಾಜ್ಯಗಳಿಗೆ ಮತ್ತು ವಿದೇಶಕ್ಕೆ ಕೋಳಿ ರಫ್ತು ಮಾಡುತ್ತಿದ್ದು ಇದರಲ್ಲಿ ಸರ್ಕಾರಕ್ಕೆ ತೆರೆಗೆ ವಂಚನೆ ಮಾಡಿದ್ದಾರೆ ಎಂಬ ಆರೋಪ ಇದೆ ಎನ್ನಲಾಗಿದೆ.

ಹಲವು ರಾಜಕೀಯ ಪಕ್ಷಗಳು ಮತ್ತು ವ್ಯಕ್ತಿಗಳಿಗೆ ಹಣ ನೀಡಿದ್ದಾರೆ ಹಲವರು ಸಂಸ್ಥೆ ಮತ್ತು ವ್ಯಕ್ತಿಗಳಿಗೆ ದಾನದ ರೂಪದಲ್ಲಿ ನೀಡಿರುವ ದಾಖಲೆಗಳನ್ನು ಪರಿಶೀಲನೆ ಮಾಡುತ್ತಿರವುದಾಗಿ ತಿಳಿದು ಬಂದಿದೆ.

ಕೆಲವು ವರ್ಷಗಳ ಹಿಂದೆ ಸಣ್ಣದಾಗಿ ಕೋಳಿ ಸಾಗಣೆ ಮತ್ತು ಮಾರಾಟ ಮಾಡಿ ಇಷ್ಟೊಂದು ಆಸ್ತಿ ಮತ್ತು ಹಣ ಗಳಿಸಿರುವ ಮೂಲದ ಬಗ್ಗೆ ತೀವ್ರ ತನಿಖೆ ನಡೆಯುತ್ತಿದೆ ಎಂದು ತಿಳಿದು ಬಂದಿದೆ.

IT raid on Kishore Kumar Hegde’s residence and office of Lifeline Feeds?