ಸರ್ಕಾರಿ ನೌಕರರ ಚುನಾವಣೆಯಲ್ಲಿ ರೆಸಾರ್ಟ್ ಪಾಲಿಟಿಕ್ಸ್

ಚಿಕ್ಕಮಗಳೂರು : ರಾಜ್ಯ ಸರ್ಕಾರಿ ನೌಕರರ ಸಂಘ ದ ಜಿಲ್ಲಾ ಅಧ್ಯಕ್ಷ ಮತ್ತು ಖಜಾಂಚಿ ಹಾಗೂ ರಾಜ್ಯ ಸಮಿತಿಗೆ ಅಯ್ಕೆ ಮಾಡಲು 4_12_24ಕ್ಕೆ ಚುನಾವಣೆ ನಡೆಯಲಿದೆ.
ಚಿಕ್ಕಮಗಳೂರು ಸಂಘದ ಅಧ್ಯಕ್ಷರಾಗಲು ತೀವ್ರ ಪೈಪೋಟಿ ಶುರುವಾಗಿದ್ದು ರೆಸಾರ್ಟ್ನಲ್ಲಿ ಗುಂಡು ತುಂಡಿನ ಪಾರ್ಟಿಗಳು ನಡೆಯುತ್ತಿವೆ.

ಜಿಲ್ಲಾ ಅಧ್ಯಕ್ಷ ಸ್ಥಾನಕ್ಕೆ ಹಾಲಿ ಅಧ್ಯಕ್ಷ ದೇವೇಂದ್ರ ಖಜಾಂಚಿ ಸ್ಥಾನಕ್ಕೆ ಪೂರ್ಣೇಶ್ ನಾಮಪತ್ರ ಸಲ್ಲಿಸಿದ್ದಾರೆ ಇವರ ವಿರುದ್ದ ಕಂದಾಯ ಇಲಾಖೆಯ ಹೇಮಂತ್ ಅಧ್ಯಕ್ಷ ಸ್ಥಾನಕ್ಕೆ ಖಜಾಂಚಿಗೆ ಕೃಷ್ಣಮೂರ್ತಿ ರಾಜ್ ಅರಸ್,ಡಾ//ರಘು ಮತ್ತು ಶಿವಪ್ರಸಾದ್ ಹಾಗೂ ರಾಜ್ಯ ಸಮಿತಿಗೆ ಮಂಜುನಾಥ್ ಎಂಬುವವರು ನಾಮಪತ್ರ ಸಲ್ಲಿಸಿದ್ದಾರೆ.
ಹಾಲಿ ಅಧ್ಯಕ್ಷ ದೇವೇಂದ್ರ ತನ್ನ ಅವಧಿಯಲ್ಲಿ ಮಾಡಿದ ಕೆಲಸಗಳ ಪಟ್ಟಿ ಮಾಡಿಕೊಂಡು ಅಧ್ಯಕ್ಷರಾಗ ಬೇಕೆಂದು ಹಠಕ್ಕೆ ಬಿದಿದ್ದು ಗೆಲುವು ನನ್ನದು ಎನ್ನುತ್ತಿದ್ದಾರೆ. ನಲ್ಲೂರು ಸಮೀಪದ ರೆಸಾರ್ಟ್ ನಲ್ಲಿ ಗುಂಡು ತುಂಡಿನ ಪಾರ್ಟಿ ಮಾಡಿದ್ದಾರೆ.ನನ್ನನ್ನು ಸೋಲಿಸಲು ರಾಜಕಾರಣಿಯೊಬ್ಬರು ನೌಕರರನ್ನು ಹೆದರಿಸುತ್ತಿದ್ದಾರೆ ನಾನು ಮಾಡಿರುವ ಕೆಲಸ ನೌಕರರು ನೋಡಿದ್ದಾರೆ ಎಂದು ಎಲ್ಲಾ ಪಟ್ಟುಗಳನ್ನು ಬಳಸುತ್ತಿದ್ದಾರೆ.

ದೇವೇಂದ್ರ್ರ ವಿರುದ್ಧ ಅಖಾಡಕ್ಕೆ ಇಳಿದಿರುವ ಹೇಮಂತ್ ತನ್ನ ಪ್ಲಾನ್ ರೆಡಿಮಾಡಿಕೊಂಡು ಅಲ್ಲಂಪುರ ಬಳಿಯ ಬೈನರಿ ರೆಸಾರ್ಟ್ ನಲ್ಲಿ ಭರ್ಜರಿ ಪಾರ್ಟಿ ಮಾಡಿದ್ದಾರೆ.ದೇವೇಂದ್ರ ಮಾಡಿರುವ ಕೆಲಸಕ್ಕಿಂತ ಹೆಚ್ಚು ಕೆಲಸ ಮಾಡುವೆ ಎಂದು ತನ್ನೆಲ್ಲಾ ಶಕ್ತಿ ಬಳಸುತ್ತಿದ್ದು ಇವರಿಗೆ ವಿಧಾನ ಪರಿಷತ್ ಸದಸ್ಯರಾದ ಬೋಜೇಗೌಡರ ಬಹಿರಂಗ ಬೆಂಬಲವಿದೆ. ಇಬ್ಬರ ಪೈಪೋಟಿ ಮಧ್ಯೆ ಅಮಾಯಕ ಕೆಲ ನೌಕರರು ಗೋಳಾಡುತ್ತಿದ್ದಾರೆ.

ಗ್ರಾಮ ಪಂಚಾಯತಿ, ತಾಲ್ಲೂಕು ಪಂಚಾಯತಿ, ಪುರಸಭೆ,ನಗರಸಭೆ ಚುನಾವಣೆಯಲ್ಲಿ ಗುಂಡು ತುಂಡು ಮತ್ತು ಪ್ರವಾಸ ಕರೆದುಕೊಂಡು ಹೋಗಿ ಹೈಜಾಕ್ ಮಾಡುತ್ತಿದ್ದ ರಾಜಕಾರಣ ನೌಕರರ ಸಂಘದ ಚುನಾವಣೆಯಲ್ಲಿ ಕಾಣಿಸಿಕೊಂಡಿರುವುದಕ್ಕೆ ಕೆಲ ನೌಕರರು ಬೇಸರಿಸುತ್ತಿದ್ದಾರೆ.