ಯುವ ಉತ್ಸಾಹಿ ಮುಖಂಡನಿಗೆ ಒಲಿದ ತರೀಕೆರೆ ಅಜ್ಜಂಪುರ ತಾಲೂಕು ಅಧ್ಯಕ್ಷ ಪಟ್ಟ

ಚಿಕ್ಕಮಗಳೂರು : ಬಿಲಾಲ್ ಎಂಬ ಹದಿಹರೆಯದ ಯುವಕ ಬಡಜನರಿಗೆ ಏನಾದರೂ ಮಾಡಬೇಕೆಂಬ ಹಂಬಲ ಇರುವ ವ್ಯಕ್ತಿತ್ವ, ಇದಕ್ಕಾಗಿ ಸದಾ ಸಾಮಾನ್ಯ ಜನರ ಮಧ್ಯೆ ಇರುವ ಇವರ ಕನಸು ನನಸಾಗಿಸಲು ಜನರ ಬೆಂಬಲ ಅಗತ್ಯ ಅನಿವಾರ್ಯ ಕೂಡ. ಮಹಮ್ಮದ್ ಬಿಲಾಲ್ ಇವರು ತರೀಕೆರೆಯಲ್ಲಿ ಕೆಮಿಕಲ್ ಅಂಡ್ ಫರ್ಟಿಲೈಸರ್ ಅಂಗಡಿ ತೆಗೆದು ವ್ಯಾಪಾರದ ಜೊತೆಗೆ ಸಮಾಜಸೇವೆ ಮಾಡುತ್ತಾ ಜನರಿಗೆ ಸಹಾಯ ಮಾಡುತ್ತಾ ಬಂದವರು. ಇವರು ಓದುವ ಮಕ್ಕಳಿಗೆ ಮತ್ತು ಅನಾರೋಗ್ಯಪೀಡಿತ ಜನರಿಗೆ ಸಹಾಯ ಮಾಡುತ್ತಾ ಬಂದಿದ್ದು ತರೀಕೆರೆಯಲ್ಲಿ ಸಂಜೀವಿನಿ ಹೆಲ್ತ್ ಕೇರ್ ತೆಗಿದಿದ್ದರ ಪರಿಣಾಮವಾಗಿ ಸಾವಿರಾರು ಜನರಿಗೆ ಅನುಕೂಲವಾಗಿದೆ.

ತಂದೆಯ ನೆರಳಿನಲ್ಲಿ ಸಾಗುತ್ತಿರುವ ಬಿಲಾಲ್ ಎಂಬ ಯುವಕ ಹಗಲಿರುಳು ಜನರಿಗಾಗಿ ದುಡಿಯುತ್ತಿರುವುದು ಎಲ್ಲರಿಗೂ ತಿಳಿದಿದೆ. ಸಂಜೀವಿನಿ ಆಸ್ಪತ್ರೆಯಲ್ಲಿ ರೋಗಿಗಳಿಗೆ ಆದಷ್ಟು ಚಿಕಿತ್ಸೆ ನೀಡಿ ಸಾಧ್ಯವಾಗಿಲ್ಲ ಎಂದರೆ ಮಂಗಳೂರಿನ ಎನ್ ಪೈ ಆಸ್ಪತ್ರೆಗೆ ಕಳುಹಿಸಿ ಚಿಕಿತ್ಸೆ ಕೊಡಿಸಿ ಹಲವರಿಗೆ ಸಹಾಯ ಮಾಡಿ ಅವರು ಬದುಕಿ ಬರುವಂತೆ ಮಾಡಿದ ಸಾಕಷ್ಟು ಪ್ರಕರಣಗಳಿವೆ.

ಬಿಲಾಲ್ ರವರ ಸೇವೆ ಗುರುತಿಸಿ ಇತ್ತೀಚೆಗೆ ತರೀಕೆರೆ ಮತ್ತು ಅಜ್ಜಂಪುರ ತಾಲ್ಲೂಕು ಕೃಷಿ ಪರಿಕರ ಮಾರಾಟಗಾರರ ಸಂಘದ ಅಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆ ಮಾಡಿರುವುದು ಇವರ ಸೇವೆಗೆ ಸಿಕ್ಕ ಅವಕಾಶ, ಇದನ್ನು ಬಿಲಾಲ್ ಸರಿಯಾಗಿ ಉಪಯೋಗ ಮಾಡಿಕೊಳ್ಳುವುದರ ಜೊತೆಗೆ ಸಮಾಜಕ್ಕೆ ಮತ್ತಷ್ಟು ಸೇವೆ ಸಲ್ಲಿಸಲಿ ಎಂಬುದು ಅವರ ಸ್ನೇಹಿತರ ಅಂಬೋಣ

ತರೀಕೆರೆ ತಾಲ್ಲೂಕಿನಲ್ಲಿ ಹಲವು ವರ್ಷಗಳಿಂದ ಉಚಿತ ಅರೋಗ್ಯ ಶಿಬಿರ, ರಕ್ತದಾನ ಶಿಬಿರ, ಅಸಕ್ತರಿಗೆ ಉಚಿತ ಚಿಕಿತ್ಸೆ ಮತ್ತು ಚಿಕಿತ್ಸೆ ಮೊತ್ತ ಕಡಿಮೆ ಮಾಡಿಸಿ ರೋಗಿಗಳ ನೆರವಿಗೆ ಸಹಾಯ ಮಾಡಿರುವ ಶ್ಲಾಘನೀಯ ಸೇವೆಯನ್ನು ಸಲ್ಲಿಸುತ್ತಾ ಬಂದಿರುವ ಬಿಲಾಲ್ ಕುಟುಂಬದವರು ಬಡವರ ಪರವಾಗಿ ಸ್ಪಂದಿಸುವುದನ್ನು ಶ್ಲಾಘಿಸಿದರೆ ತಪ್ಪೇನಿಲ್ಲ.