ಮಹಿಳೆ ಗಮನ ಬೇರೆಡೆ ಸೆಳೆದು ₹ 3.90 ಲಕ್ಷ ವಂಚನೆ

ಕಡೂರು: ಕಳೆದ ಜೂನ್‌ನಲ್ಲಿ ಗಮನ ಬೇರೆಡೆಗೆ ಸೆಳೆದು ಗ್ರಾಹಕರೋರ್ವರ ಖಾತೆಯಿಂದ ₹3.90 ಲಕ್ಷಡ್ರಾ ಮಾಡಿರುವ ಪ್ರಕರಣ ಕುರಿತು ಮಹಿಳೆಯೊಬ್ಬರುಕಡೂರು ಪೊಲೀಸರಿಗೆ ಗುರುವಾರ ದೂರು ನೀಡಿದ್ದಾರೆ.

ತಾಲೂಕಿನ ಚಿಕ್ಕಪಟ್ಟಣಗೆರೆಯ ಸುನಂದ ಟಿ.ಎಂ. ಎಂಬವರು ತಮ್ಮ ಖಾತೆಯಿಂದ ಹಣ ಡ್ರಾ ಮಾಡಲೆಂದು ಕಡೂರು ಪಟ್ಟಣದಜೈನ್‌ ಟೆಂಪಲ್‌ ರಸ್ತೆಯ ಕೆನರಾಬ್ಯಾಂಕ್ ಎ.ಟಿ.ಎಂ.ಗೆ ಹೋಗಿ ದ್ದರು.

ಈ ವೇಳೆ ಅಲ್ಲಿದ್ದ ಅಪರಿಚಿತ ವ್ಯಕ್ತಿಯು ಸುನಂದಾ ಅವರ ಗಮನವನ್ನು ಬೇರೆಡೆಗೆ ಸೆಳೆದು ಎ.ಟಿ.ಎಂ.ಪಾಸ್ ವರ್ಡ್ ತಿಳಿದುಕೊಂಡಿದ್ದಾನೆ. ಅಲ್ಲದೆ, ಸುನಂದಾ ಅವರು ನೀಡಿದ್ದ ಎ.ಟಿ. ಎಂ. ಕಾರ್ಡ್ ಪಡೆದು ಆತನ ಬಳಿಯಿದ್ದ ಇನ್ಯಾವುದೋ ಎ.ಟಿ.ಎಂ. ಅನ್ನು ನೀಡಿದ್ದಾನೆ.

ಬಳಿಕ ಸುನಂದಾ ಟಿ.ಎಂ. ಅವರ ಕೆನರಾ ಬ್ಯಾಂಕ್ ಖಾತೆಯಿಂದ ಒಟ್ಟು * 3.90 ಲಕ್ಷ ಹಣವನ್ನು ಹಲವಾರು ಬಾರಿ ಎಟಿಎಂನಿಂದ ಪಡೆಯುವ ಮೂಲಕವಂಚಿಸಿದ್ದಾನೆ. ಈಬಗ್ಗೆ ಯಾವುದೇ ಮಾಹಿತಿ ಅರಿವಿಗೆ ಬಾರದ ಸುನಂದಾ ತನ್ನ ಅಕೌಂಟ್‌ನಲ್ಲಿನ ಹಣದ ವಿವರ ಪರಿಶೀಲಿಸಲು ಮುಂದಾದಾಗ ತಾನು ವಂಚನೆಗೆ ಒಳಗಾಗಿರುವುದು ಗೊತ್ತಾಗಿದೆ.

ಬಳಿಕ ಎಟಿಎಂ ಬಳಿ ತನಗೆ ಸಹಾಯ ಮಾಡುವ ನೆಪದಲ್ಲಿ ಬಂದಿದ್ದ ಅಪರಿಚಿತನ ಪತ್ತೆ ಹಚ್ಚಿ, ಸೂಕ್ತ ಕಾನೂನು ಕ್ರಮ ಕೈಗೊಂಡು ಕಳೆದುಕೊಂಡಿರುವ ಹಣ ಪತ್ತೆ ಕೊಡಿಸುವಂತೆ ಪೊಲೀಸರಿಗೆ ದೂರು ನೀಡಿದ್ದಾರೆ.

Woman cheated of ₹ 3.90 lakh by diverting attention