ಪೂರ್ವಿ ಗಾನಯಾನ 115 ನಗರದಲ್ಲಿ ನಾಳೆ `ಅವತರಿಸು ಬಾ’

ಚಿಕ್ಕಮಗಳೂರು: ಪೂರ್ವಿ ಸುಗಮ ಸಂಗೀತ ಅಕಾಡೆಮಿ ಟ್ರಸ್ಟ್, ಯುರೇಕಾ ಅಕಾಡೆಮಿ, ಕರ್ನಾಟಕ ಸುಗಮ ಸಂಗೀತ ಪರಿಷತ್ತು ಚಿಕ್ಕಮಗಳೂರು ಘಟಕ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಆಶ್ರಯದಲ್ಲಿ ಡಾ.ಸಿ.ಅಶ್ವತ್ಥ್ ಜನ್ಮ ದಿನಾಚರಣೆಯ ಪ್ರಯುಕ್ತ `ಅವತರಿಸು ಬಾ’ ಶೀರ್ಷಿಕೆಯಡಿ ಡಾ.ಸಿ.ಅಶ್ವತ್ಥ್ ಸ್ವರ ಸಂಯೋಜನೆಯ ಕಾವ್ಯ ಗಾಯನ ಕಾರ್ಯಕ್ರಮವು ನಗರದ ಎಂಇಎಸ್ ಸಭಾಂಗಣದಲ್ಲಿ  ಡಿಸೆಂಬರ್ ೨೯ ರಂದು ಸಂಜೆ ೬ ಗಂಟೆಗೆ ನಡೆಯಲಿದೆ.

ಮಲೆನಾಡು ವಿದ್ಯಾಸಂಸ್ಥೆ, ಲಯನ್ಸ್ ಸಂಸ್ಥೆ ಹಾಗೂ ಕಲ್ಕಟ್ಟೆ ಪುಸ್ತಕದ ಮನೆಯ ಸಹಕಾರದಲ್ಲಿ ನಡೆಯುವ ಪೂರ್ವಿ ಗಾನಯಾನ ೧೧೫ ಸರಣಿಯ ಈ ಕಾರ್ಯಕ್ರಮವನ್ನು ಸುಗಮ ಸಂಗೀತ ಗಂಗಾದ ಉಪಾಧ್ಯಕ್ಷ ಸ.ಗಿರಿಜಾಶಂಕರ ಉದ್ಘಾಟಿಸಲಿದ್ದು, ಯುರೇಕಾ ಅಕಾಡೆಮಿಯ ಸಂಸ್ಥಾಪಕ ದೀಪಕ್ ದೊಡ್ಡಯ್ಯ ಅಧ್ಯಕ್ಷತೆ ವಹಿಸುವರು. ಕರ್ನಾಟಕ ಸುಗಮ ಸಂಗೀತ ಪರಿಷತ್ತು ಚಿಕ್ಕಮಗಳೂರು ಜಿಲ್ಲಾ ಘಟಕದ ಅಧ್ಯಕ್ಷ ಎಸ್.ಎಸ್.ವೆಂಕಟೇಶ್ ನುಡಿನಮನ ಸಲ್ಲಿಸಲಿದ್ದಾರೆ.

ಇದೇ ಸಂದರ್ಭದಲ್ಲಿ ಪೂರ್ವಿ ತಂಡದ ಮುಖ್ಯಸ್ಥ ಎಂ.ಎಸ್.ಸುಧೀರ್ ನೇತೃತ್ವದಲ್ಲಿ ನಡೆಯುವ ಕಾವ್ಯ ಗಾಯನದಲ್ಲಿ ಹೆಚ್.ಎಂ.ನಾಗರಾಜರಾವ್, ಚೇತನ್‌ರಾಮ್, ರೂಪ ಅಶ್ವಿನ್, ಅನುಷ, ಪೃಥ್ವಿಶ್ರೀ, ಮೇಘ, ಚಿನ್ಮಯಿ ಕೆ.ಎಸ್., ಮಾನ್ಯ ಭಟ್ ಎಸ್.ಆರ್., ಮಾನ್ಯತ ಎಸ್,, ರಚನಾ ಕೆ.ಎಸ್., ಅದ್ವಿತ್ ದೇಶ್, ಮಂಥನ್ ಭಟ್ ಹಾಗೂ ಆದ್ವಿಕಾ ಇವರುಗಳು ಡಾ.ಸಿ.ಅಶ್ವತ್ಥ್ ಸ್ವರ ಸಂಯೋಜನೆಯ ಗೀತೆಗಳಿಗೆ ಧ್ವನಿಯಾಗಲಿದ್ದಾರೆ.

Purvi Ganayana 115 to be ‘incarnated’ tomorrow in the city